Sunday, June 17, 2018

3 buy bust ops sa Albay


LEGAZPI CITY 6/17/18 (BICOL STANDARD) – Tulong separadong buy bust operation an magkasuway na ginibo kasuodma kan mga tawohan kan Philippine Drug Enforcement Agency (PDEA) sa Albay.

An enot na operasyon nagresulta sa pagkadakop ki Sriden Lunas y Ahammad, 34, nagtitinda nin kakanon sa laog kan Bicol Regional Training and Teaching Hospital (BRTTH), asin residente kan Brgy. Bogong, Legazpi City.

Temporaryo siyang nag eestar ngonian sa Brgy. Market Site, Daraga, Albay.

Nakabakal saiya an ahente kan PDEA nin shabu karbay kan kantidad P500, na iyong ginamit na buy bust money.

Mientrastanto, sa Brgy. Caratagan, Pioduran, Albay, nadakop man si Roger de los Santos, residente kan Brgy. 1, Pioduran kan mga awtoridad.

Nagpabakal siya nin shabu sa tawohan kan PDEA sa kantidad na P500. An mga evidencia, arog kan shabu asin an budol money narecover kan mga awtoridad sa suspechado kasubagong alas 3:45 nin hapon (Hunyo 17).

Sa sarong pang operasyon kan PDEA, nadakop si Christopher Brusola y Manlagnit a.k.a. Paki, 19 anyos, taga P5, Brgy Cormidal, Tabaco City.

Segun sa PDEA napabakalan an saindang ahente nin shabu ni Brusula, sa Brgy. Sto. Cristo, Tabaco City.

Afuera kan shabu, nakua man sa poder kan suspechado an kantidad P500 na gamit bilang buy bust money.

An mga nagkadarakop sa operasyon kan PDEA maatubang nin kasong pag balga sa RA 9165, an ley dapit sa illegal drugs.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...