Monday, June 4, 2018

2ng taga Pasacao, dakop huli sa shabu


NAGA CITY – (BICOL STANDARD) Duwang lalaki an inarestar kan mga pulis sa Pasacao, Camarines Sur, sa ginibong illegal drug operation kasuodma.

An mga dinakop kan pulis iyo sinda Oliver Bonifacio, 34 anyos asin si John Kevin Atacador, 25 anyos. Pareyong yaon an saindang pangaran sa listahan kan mga awtoridad na aktibo sa pagbariwas kan ipig papangalad na bulong.

Sabi kan pulis, tinuklo tulos ninda si Bonifacio kan mag positibo sa ginibong buy-bust operation sa barangay Odicon, Pasacao an suspechado.

Kasunod kan operasyon kan pulis, nadakop na man si Atacador na nag gagamit suboot kan pig babawal na illegal na druga sa laog kan cuarto sa Margando Farm, sa kapareyong lugar.

Nakua sa poder kan mga suspechado an mga evidenciang illegal na druga asin drug paraphernalia.

An duwang inarestar pareyo nang nagsuko sa mga awtoridad sa Oplan Double Barrel sa sinambit na banwaan.

Sasangatan sindang caso sa pagbalga kan ley dapit sa pag gamit asin pagbariwas kan illegal na druga.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...