Monday, June 11, 2018

22 na NPA nagsuko sa Sorsogon


LEGAZPI CITY (Bicol Standard) -- 22 na mga haralangkaw na opisyal kan New People’s Army (NPA) na nag ooperar sa Sorsogon an nagsuko sa Tactical Operations Group sa Bicol headquarters.

Ini sinabi kasuodma ni Major General Jesus Manangquil Jr., an commander kan 9th Infantry Division Division kan Army.

Mayoriya kan mga nagsuko mga political officers, platoon leaders asin squad leaders na naghihiro sa Provincia kan Sorsogon.

Huli kaini, sinabi ni Manangquil na dakulang tabang ini sa pagpakaray kan paz y order kan rehiyon asin kan nasyon.

Idinagdag pa sa saiyang pahayag na nadidifisilan na ngonian an mga NPA sa pag recruit nin bagong mga miembros, mantang an mga dati nindang pag-iriba marikas na nag iina na.
Sa presente, igwa pa nin maabot sa 100 na regular na miembros an rebeldeng grupo an enot nang nag surrender.

Nagpatanid liwat si Manangquil sa mga nasa gobierno na nagsusuporta sa mga rebelde na pondohon na ninda an pagtao nin ayuda sa NPA, ta kun dai, mapipiritan na an military na ibuyagyag an saindang mga pangaran, asin pwede pa sindang ma priso.

Mientrastanto, si Brig. General Greg Almelor, an Brigade commander kan 903rd Infantry Brigade nagsabi na lagdoan na pag surrender nangyari sa esfuersos kan gobierno provincial kan Sorsogon asin iba pang nagtatabang digdi.



Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...