Wednesday, May 23, 2018

TABACO CITY: 80 anyos na lolo, nabangga nin motorsiklo



TABACO CITY 5/23/18 (BICOL STANDARD) Inaragapan an 82 anyos na gurang na nagmamaneho nin trisikle na nabudalan nin motorsiklo na pig mamaneho ni Rachelle Bongon y Callao, 34 anyos an edad.

Nangyari an aksidente sa P5 Brgy San Antonio, sa ciudad na ini.

Sabi sa report an gurang na nabisto sa ngaran na Salvador Camato, 82 anyos an edad, luwayluway na nag pepedal kan saiyang trisikel kan biglang makaisip na magpabirik sa tinampo.

Dai niya naheling an nagdadalagan na motorsiklo na pig mamaneho ni Bongon.

Nin huli kan pangyayari, natumba trisikle kan gurang, siring man an motorsiklo na nakatupa saiya.

Anas sinda nagsapo nin mga rungas sa lawas.

Afuera ki Camato, na may diit na rungas sa lawas, dinara man sa hospital si Bongon asin an kasuno niyang si Hedelina Mamogay y Llaneta, na pareyo taga Brgy. Buang, digdi.
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...