Monday, May 28, 2018

Suspect sa pagbadil sa Siruma dakop kan pulis


SIRUMA, Camarines Sur 5/27/18 (BICOLSTANDARD) – Maswerteng nakalibre sa kagadanan si Owen Francia y Demesa, residente kan Brgy. Sulpa, sa banwaan na ini kan siya badilon nin kan suspechadong si Darwin Angeles y Chavez na residente kan kapareyong barangay.

Susug sa report kan pulis dai tinamaan kan bala an biktima nin huli sa maluyang paghimunta kan badil.

Pakatapos na mangyari an krimen, nagdulag asin nagtago an suspechado.

Alagad, dumumanan siya kan mga pulis sa saindang harong, na kun saen sa tabang kan saiyang ama na si Francisco Angeles y Delos Santos, ipig turn over an suspechado ki PO2 Sammy Colipano.

Kabale sa ipig surrender sa pulis an calibre .38ng revolver na may marking DCA-1, na may kargang limang bala.

An suspechado yaon ngonian sa Siruma MPS mantang pig pepreparar an isasangat na kaso contra saiya.

Share:

Featured Post

FDA releases statement on unregistered lambanog

The FDA, through its inspectors at the Regional Field Offices (RFO) and agents of its Regulatory Enforcement Unit (REU), in coordinatio...