Friday, May 25, 2018

Suporta sa programa kontra droga, hinagad ni Mayor Rosal sa mga bagong ilihir na SK officials

Mayor Noel Rosal

Ni Vince Villar

Legazpi City – Hagad ngonyan kan Alkalde kan Legazpi City sa mga bagong elehidong Sangguniang Kabataan na manindugan para suportaran an programa kan administrasyon ni Presidente Duterte na labanan an droga sa Nasyon. Ini an naging pakihuron ni Mayor Noel E. Rosal matapos na mag atindir sa ginibong SK mandatory training na ginibo sa City Hall compound kasuhapon.

Paliwanag ni rosal, significanteng maray na labanan an an drug addiction ngani irayo an mga jovenes na epekto kan iligal na droga asin ngani dai man maapektaran an futuro kan mga ini urog na an mga menor se edad.

Huli kaini, importante suboot an pakikipagtabangan kan mga SK Officials sa mga opisyal kan Barangay, mga magurang asin brgy police ngani maimplementar nin maray an curfew ordinance asin pagmonitor kan gabos na aktibidades kan mga jovenes ta ngani na mailikay na mabiktima nin mga durugista.

Kasabay kaini, inumaw man kan alkalde an gabos na mga sk kagawads sa pagpili na magserbi sa publiko imbes na mapaduman sa mga pribadong mga aktibidad.

An gabos na mga sk chairman an matukaw bilang mga ex officio bilang representante kan kabataan sa barangay council, mantang an mga sk kagawads naman an may poder na magpresentar nin anuman na developmental programs asin proyekto para sa mga kabataan sa saindang mga lugares.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...