Thursday, May 17, 2018

Solterong naki bayle sa Calabanga, binadil, gadan



CALABANGA, CSur (BICOL STANDARD) An makuring tama nin bala sa lawas ni Marvin Baldemoro y Legardo, na taga Barangay Burabod an saiyang ikina gadan, mantang nasa kaorogmahan sa Barangay Camuning digdi.

An mga imbestigador nagsabi na an biktima yaon sa baylehan kan diya dinukol nin lalaki na may armas na badil, dangan pinaputokan.

An incidente nangyari, mag omagahon kan Mayo 16, sa sarong benefit dance sa nasambit na lugar.

Nin huli sa tama nin bala, idinalagan pa si Baldemoro sa Bicol Medical Center (BMC) sa Ciudad nin Naga para ipabulong.

Alagad, dai na siya naka aguanta asin pig declarar kan doctor na dead on arrival.

Dai aram kun ano an motibo kan pag gadan saiya.

An sabi, pig probaran pa siyang kaolayon kan mga nag agap sa saiya, para aramon kun sisay an nagbadil, pero dai na kayang magtaram kan biktima.

Nagpapadagos an imbestigasyon kan bagay na ini para maaraman an kag gibo kan krimen.
Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...