Monday, May 7, 2018

Pulis binadil sa Sorsogon, gadan



SORSOGON CITY 5/7/18 (BICOLSTANDARD) – Hinipaan sa dalan dangan binadil kan mga pig tutubodan na miembros kan New People’s Army (NPA) an sarong pulis na nakadistino sa Castilla Municipal Police Station, kasubagong alas 5:50 nin hapon.

An victima iyo si PO1 Darwin Borsin, 34, nakalunad sa motorsiklo na siya ratraton nin bala kan limang mga armadong lalaki sa Barangay Naspi, Pilar, Sorsogon.

Segun sa pahayag ni Sr. Supt. Marlon Tejada, an Provincial Director kan PNP sa Sorsogon, nagadan tulos an victima sa pinangyarihan kan krimen nin huli sa tama nin mga bala sa saiyang lawas.

Idinagdag pa ni Tejada na si Borsin pabwelta na sa hepatura kan pulis, hale sa saindang harong ta binisita an saiyang harong sa Barangay Lourdes, Pilar, Sorsogon.

An pinagsarong miembros kan Pilar asin Castilla police an nagresponde sa lugar na pinangyarihan kan incidente asin nag conducer nin hot pursuit operations.

Share:

Featured Post

Suspects in marijuana trade arrested at dormitel in Naga City

NAGA CITY (Bicol Standard) – Two 22-year-old residents of Iriga City were arrested in a buy-bust operation at Orange Dormitel at Barang...