Thursday, May 3, 2018

Pamayo kan RPOC-Bicol, nahandal sa dakulang bilang kan mga Bicolanong nasa PDEA narco list


ni Vince Villar

Legazpi City – Liwat na pinagiromdom ni Bicol Regional Peace and Order Council o RPOC Chairman asin Legazpi City Mayor Noel Rosal sa gabos na mga alkalde sa probinsiya nin Albay an kagustuhan ni Presidente Rodrigo Duterte na mapara na an droga sa nasyon.

Kasuudma, kinahuron kan alkalde an nasabing mga opisyal, mapadapit sa pinaluwas na listahan kan PDEA asin DILG na mga ngaran kan mga barangay officials na nasa narcolist.
Sinabi kan alkalde na nakaka-alarma an numero kan mga barangay officials sa Bicol na imbwelto soboot sa ilegal na droga.

Sa bilang kaya na 207 na mga barangay kapitan asin kagawad sa bilog na nasyon 70 digdi an gikan sa Bicol.

47 an mga taga Albay, kun saen 21 an kapitan asin 26 an kagawad.

Sa bilang na ini sa Albay, pinakadakol an banwaan kan Guinobatan na igwang 10 na kapitan asin 12 kagawad.
Huli kaini, nakatalaan man na tukaron si Rosal an isyung ini sa masunod na RPOC meeting.
Miyentrastanto, atyan na hapon, mapa apod man nin meeting si Gobernador Al Francis Bichara ngani kaulayon an mga alkalde sa parehas na isyu.
Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...