Friday, May 25, 2018

OFW na taga Libmanan, hinabasan nin bagahe sa Tabaco City


TABACO CITY (Bicol Standard) --  Haros marungkab an daghan sa kurabkutab kan puso ni Geraldine Flores y Puriao, taga Libmanan, Camarines Sur kan agawon an dara niyang bag kan 3ng para padyak digdi.

Nangyari an incidente sa pier kan Tabaco City sa barangay Cormidal.

An biktima na sarong OFW, hale pa sana sa Catanduanes para sa pirang aldaw na bakasyon.

Siya (Flores) malunad na sa bus papuli sa Naga City kan mangyari an incidente.

Ipinahayag ni Flores sa pulis na narisa niya na determinado an tulong lalaki na idulag asin sadirehon an saiyang gamit na may laog nin cash asin importanteng papeles.

An sabi pa sa report, mantang nagdudulag an mga suspechado mayong pag alangan na binukod sinda kan biktima para mabawi an bag.

Nabawi pa kuta an gamit, alagad mayo na an P7,000.00 na cash nasa bulsa kan bag na tinabag kan mga lalaki.

Sa tabang kan Maritime police, naarestar an mga suspechado.

Yaon sinda sa custodia kan mga awtoridad pig iimbestigaran pa.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...