Wednesday, May 23, 2018

NAGA CITY: Ultimong 2ng kilong bagas, hinabas



NAGA CITY 5/23/18/ (BICOL STANDARD) Ultimong 2 kilong bagas na yaon sa laog kan bugtakan na balde an dai na lamang pinalibre kan pusikit na parahabon na nagsalakat sa harong kan familya ni Arnold Lopre y Esmiralda sa Urban Queborac, Brgy. Bagumbayan Sur, digdi.

Segun sa sumbong kan mag amang biktima, na iyo sinda Arnold asin Alexander Lopre, nanok sinda sa pagturog kan maglikat na makalaog sa saindang harong an mga parahabon.

Enot na pinasan paluwas sa saindang harong an 14” black and white tv; kinua an helmet na gamit sa pag motorsiklo; pitaka na may laog P1,250.00; 2ng baratohon na cellphone na yaon sa ibabaw kan lamesa; brown na pitaka na may laog na P2,400.00 asin saro pang de calidad man na cell phone an kinua pa.

Haros magbalinghaw an mag amang Lopre kan nadiscubre ninda na pati an 2ng kilong bagas na yaon sa laog kan bugtakan na lata an hinabas pa.

Nadiscubre ninda na mayo na an saindang pan sapnang bagas kan maheling an bugtakan na lata na nasa tungod kan kan harong sa atubangan kan saindang residencia.

An mga para salakat nag laog sa harong kan biktima sa paagui kan mayor na pwerta, na nalingawan na isara kan mag ama sa pagturog ninda.
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...