Wednesday, May 30, 2018

Naga City, may pinakahalangkaw na monthly crime rate sa Pilipinas--PNP


NAGA CITY (Bicol Standard) -- Kun datus kan Philippine National Police an basehan, an Naga City an may pinakahalangkaw na monthly crime rate sa bilog na nasyon.

An record na ini para sa primerong quarter kan taon 2018.

Segun sa statistical date kan Crime Research and Analysis Centner kan PNP Directorate for Investigation and Detection Management, an Naga City igwa nin 273.83 na average na bulanbulan na crime rate poon kan bulan na Enero hasta Abril ngonian na taon.

Sabi sa paliwanag ni PNP Spokespersonn C/Supt John Bulalacao, an crime rate, inversely proportional sa total na numero ka populasyon.

Gustong sabihon, kun mas dakul an tawo, mas hababa an crime rate asin kun dikit an populasyon, mas dakula an crime rate.

Ika duwa sa listahan an Mandaue City na may 214.71 na average, nagsunod an Pasay City, na may 136.26, Iloilo, 133.97, sunod an Cebu, Makati, asin Mandaluyong.

Mientras na an Ormoc City, an may pinakahababa na average monthly crime rate na may 15.06, sunod an Cotabato City, 17.75, Puerto Princesa, 21.50. An nagsunod iyo an Angeles City, Olongapo City, asin Davao City.

An walong crimen na focus kan anticriminnality campaign iyo an murder, homicide, physical injury, rape, robbery, theft, carnapping asin motornapping.

Nanginot an Quezon City sa mga caso kan rape, physical injury, robbery, theft asin motornapping.

Mientrastanto, inaadalan na ngonian kan Naga City Police Office an nagluwas na record na an Ciudad nin Naga an may pinakahalangkaw na monthly crime rate sa bilog nna nasyon.

Sinabi ni P/Sr Supt Jonathan Panganiban sa intrevista kan media na pig hihingotohan kan saindang oficina an mga rason kun napano ta siring kaini an nagluwas na informasyon.

Ann saindang mga tawohan na hale sa City and Detective Management Branch an naka sentro an attention sa pag usisa kan mga rason digdi.

Dai ngona nagtao nin comentaryo si Panganiban dapit digdi. Pero, saiyang pig asigurar na sa orog na madaling panahon mapaluwas sinda nin official na pahayag dapit digdi.

Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...