Monday, May 21, 2018

Na “suba” sa online store, nagreklamo



NAGA CITY –BICOLSTANDARD) Sa pagmawot na makakua nin dakulang discuento sa pagbakal nin materiales sa construction, si Rodney Edbert Llaneras y Barcelona, empleado kan Gaudencia Corporation an “nasuba” (swindle) nin kantidad P244,630.70 kan saiyang kaolay nag pabistong konektado sa OLX.

Nag sumbong si Llaneras sa pulis, na kan sarong aldaw (Mayo 16), nagheling siya sa internet, ta mabakal nin mga cabilla sa OLX online store sa pagtubod na mas barato an presyo digdi.

An saiyang nakaolay iyo an babae na nagpabisto sa pangaran na Cara Crisostomo, na suboot konektado sa OLX asin an tindahan iyo an C.D Valle Enterprises na may address na AH26, sa Barangay Cruz na Daan, San Rafael, Bulacan.

Pakalihis nin dikit na orolay sa internet na kumbensir si Llaneras na nag order kan saiyang mga kaipohan na steel bars.

Sabi kan biktima, kan Mayo 17 na hapon, binayadan tulos niya an bilog na kantidad kan pig order na materiales, sa paagui kan pag diposito nin cuarta sa East West Bank sa San Francisco Branch, digdi.

An account name na saiyang binayadan, Cecilla Valle na may account No. 20000307 41152.

Ihinulog an bayad apag 4:07 nin hapon, asin naverificar na nakua na si bayad na cuarta, alas 5:49 nin hapon, kan pareyong aldaw.

Mientrastanto, pakatapos na makahulog kan cuarta, asin pinaisi an kaolay na nagbayad na sinda sa banko, dai na naaapodan si numero kan telephono sa katransaksyon.

Siring man, tulos pina delete si account number sa OLX asin dai nakokontak sa Facebook an kaolay.

Hasta ngonian mayo nin informasyon kun sisay an saindang binayadan kan sinambit na cuarta na pambakal nin cabilla.

An Gaudencia Corporation may opisina sa Jacob St., Bagumbayan Sur, digdi.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...