Saturday, May 12, 2018

Mga Bikolano inangat kan PACC makipagtabang laban sa corruption


LEGAZPI CITY –  Inangat ni Commissioner Greco Belgica, spokesman kan Presidential Anti-Corruption Commission (PACC) an publiko na makipagtabangan sa sainda, sa paagui kan pagsumbang kan mga official kan gobierno na imbuelto sa corruption.

Sabi ni Comm. Belgica, igwa nin tagamang premyo sa informante na kabaeng kan kantidad na 25% kan total na mababawi na kantidad, na hale sa hinabonan na cuarta kan imbueltong opisyal.

Nagpaluwas nin asigurasyon si Belgica na itatago an pangaran kan masumbong, kaya mayo sinda na dapat ikahandal sa pagsumbong kan anomaliya.

Itinao niyang ehemplo an pagsumbong kan pangaran kan mga politico na makiki-sawsaw sa maabot na pirilian sa Barangay asin sa Sangguniang Kabataan, orog na si mga lantadan na magamit nin fuerza asin curate para pabotohan an saindang manok na kandidato.

An sabi ni Belgica, kaipohan sanang magtipon nin mga evidencia siring kan retrato, affidavit na pwedeng ipresentar sa Commission on Elections, antes kan pirilian.

Kun mapatunayan na nagbakal nin boto an kandidato, tangani na botohan sa election, pwede sindang ma-disqualify bilang kandidato o elihidong opisyal.

Sinadon kan nasambit na opisyal kan PACC an publiko na makipag tabangan sainda para sa malinig na pirilian asin maibitaran dagos an corruption sa gobierno.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...