Monday, May 21, 2018

May darang P3.4 M na druga, tinoklo kan PDEA sa Bicol



LEGAZPI CITY 5/21/18 (BICOL STANDARD) An haloy nang binabantayan na supplier nin shabu sa Bicol, nadakop na kasubagong alas 3:30 nin hapon sa Brgy. Puro, digdi.

Segun sa report kan Philippine Drug Enforcement Agency sa Bicol, si Myla Panuncio, taga Pasay City, an nahulog man guiraray sa kamot kan mga awtoridad sa paagui kan tarabang na grupo kan Regional Special Enforcement Team asin PDEA.

Nakua sa saiyang poder an 500 gramos nin shabu na carculadong may valor na P3.4 milliones.

Si Panuncio haloy nang nasa listahan kan mga ahentes kan PDEA ta siya an sinasahotan na nagdidistribuir kan illegal na druga sa rehiyon.

An shabu na nakua sa saiya nasa laog kan dakulang plastic bag.

Idinagdag sa bareta, makusog an pagtubod kan PDEA na afuera sa Bicol, imbuelto pa siya sa pagdara kan illegal na druga sa ibang lugar.

Pig titipon pa kan mga ahentes kan gobierno an ibang informasyon mapadapit saiyang operasyon.
Share:

Featured Post

FDA releases statement on unregistered lambanog

The FDA, through its inspectors at the Regional Field Offices (RFO) and agents of its Regulatory Enforcement Unit (REU), in coordinatio...