Wednesday, May 23, 2018

Mag agom, tiklo sa P300,000 na shabu sa Legazpi



LEGAZPI CITY 5/23/18 (BICOL STANDARD) Yaon sa laog kan carcel an mag agom na taga Brgy Victory Village digdi, na nadakop kasubangui kan PDEA sa buy bust operation.

An lalaki iyo si Larry Loveriza asin an agom niyang si Nena Loveriza, pareyo nag eestar sa Purok 2, sa nasambit na barangay.

Segun sa report, pirang bulan nang binabantayan kan mga ahentes kan PDEA an patagong pagpabakal nin shabu kan mag agom na Loveriza, kaya kasubangui, ipig serve sa saindang an search warrant, katabang an PNP Albay, Intelligence Service kan AFP asin an mga tawohan kan PDEA.

Sa pagrikisa kan saindang residencia nabotbotan kan mga awtoridad an 50 gramos nin shabu, na may valor na P300,000.00.

An mag agom na Loveriza yaon ngonian sa carcel kan PDEA mientras na pig pepreparar an isasangat na kaso contra sainda.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...