Saturday, May 12, 2018

Lalaki na may sukbit na badil arestado



SORSOGON CITY - Sarong lalaki an inarestar kan pulis pakatapos na maheling siyang may darang badil na may bala na pig issue kan US Army, kasuodma sa Ciudad kan Sorsogon.

An suspechado iyo si Jerry Enteria, 47 anyos, residente kan Irosin, Sorsogon.

Na alarma an mga residentes kan Barangay Bibingcahan, kasuodma na alas 12:00 nin mag-omagahon, sabi sa report na pinadara sa police.

Dinakop kan mga pulis si Enteria asin nakua sa saiyang poder an badil na M11911Ai na pig issue kan US Army, sarong USA 45 auto bullets, 4 na 45 auto bullets asin 2ng 45 auto fired cartriges cases.

Pig aaram pa ngonian kun pano nagkaigwa kan siring na pistol asin mga bala an lalaki na nadakop kan mga awtoridad.

Kakasohan si Enteria nin pagbalga kan RA 10591, na bistado sa apod na Comprehensive Firearms and Ammunition Regulation Act asin pag lapas sa Omnibus Election Code of the Philippines.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...