Monday, May 21, 2018

Lalaki binadil sa saindang harong, todas



MASBATE (BICOLSTANDARD) Tinuyo sa saindang harong si Resttot Peralta y Balasa, 31, dangan binadil kan dai nabistong lalaki, sabi sa report kan pulis.

An incidente nangyari, alas 6:00 nin aga (Mayo 21), sa Brgy. Asid, Masbate City.

Malinaw sa natipon na mga evidencia na determinado an criminal na todason si Peralta nin huli ta tama kan bala na pinatadom sa saiyang lawas.

Segun pa sa report posibleng hararom na maray an rason kun tano ta tinapos an buhay kan biktima, sabi kan mga imbestigador.

Hastang sinusurat an baretang ini, mayo pa nin nagugunong informasyon na pwedeng maging dalan para mabisto an criminal.

Nagpapadagos an imbestigasyon kan mga awtoridad.
Share:

Featured Post

No poll bets as graduation rite speakers: DepEd

LEGAZPI CITY --- The Department of Education (DepED) regional office here is discouraging school heads from inviting politicians, especial...