Monday, May 28, 2018

Laban sa pagka Pres kan Liga ng mga Barangay sa Naga, mainit na



NAGA CITY (Bicol Standard) - Garong dadalanon na sana ni Mayor John Bongat an pig babanabang encontrada sa pag oltanan ni Punong Barangay Dodit Beltran kan Bagumbayan Norte asin ni Pb. Lorenzo Narvaez kan Sta Cruz, Naga City, an duwang aspirante sa pagka presidente kan Liga ng mga barangay.

Sa parte ni Bongat, na yaon na sa ultimong turno bilang hefe ejecutibo kan ciudad, naheheling na nadidifisilan na maglantad kan saiyang desisyon kun sisay an tatabangan sa duwa.

Sa meeting na inatendiran kan duwang aspirante sa cargong Presidente kan Liga, sinabihan sinda ni Bongat na dapat tawan nin dakulang halaga an saindang halawig nang pag aramigohan, ki kan sa ambisyon sa politika.

An matukaw na bagong official kan Liga ng Mga barangay maserve sagkod sa taon 2020.

An sinambit na meeting na presente si Bongat, inatendiran man kan duwang aspirante na maging vice presidente kan Liga ng mga Barangay na sinda PB Corazon Penaflor asin PB Cyrus Llacer Cabacof.

Mayo pa nin malinaw na desisyon kun sisay sa duwa an mapahonod, o dagos man guiraray an laban ni Beltran asin Narvaez.
Share:

Featured Post

FDA releases statement on unregistered lambanog

The FDA, through its inspectors at the Regional Field Offices (RFO) and agents of its Regulatory Enforcement Unit (REU), in coordinatio...