Thursday, May 3, 2018

Kandidato na imbuelto sa droga, mag atras na – PNP Bicol




LEGAZPI CITY 5/3/18 (BICOL STANDARD) “Mag atras na kan saindang kandidatora an mga imbuelto sa illegal na droga”.

Ini an patanid na binutasan kan Police Regional Office 5 sa Bikol bilang suporta sa kampanya ni Pres Rodrigo Duterte conta sa ipinapangalad sa bulong.

Sabi sa despacho na hale sa PNP Bikol, sobra sa 500 na mga nakatukaw na official asin nag-aaspirar pa sana na maging Barangay asin SK official an yaon sa watchlist kan PNP Bikol.

Ipinahayag ni Sr. Insp Maria Luisa Calubaquib na mas maray pang dai na idagos kan mga nasa drug watchlist an saindang pagkandidato na baad ngapig sa panahon, may aatubangon man guiraray sindang dakulang problema, kun sinda elihiron kan mga tawo.

Sa prestente yaon sa higot na pag monitor kan mga awtoridad kan lambang provincial police offices an labing 500 na drug personalities.

Kun en caso ma-elihir sinda, alagad may prueba na imbuelto sa illegal na droga, kakasohan man guiraray sinda.

Enot nang ibinalngibog kan PDEA asin DILG na an Bicol iyo an may pinakadakul na mga barangay officials na nasa narco list.

An kampanyang ini bako sanang kontra sa mga incumbent na official kundi maging si mga aspirante sa man laen-laen na pwesto, sa Barangay asin SK.

Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...