Monday, May 28, 2018

Gadan na lalaki nakua sa oma, dai pa nabibisto


MINALABAC, CSur 5/27/18 (BICOLSTANDARD) Nangapodan an pulis sa banwaan na ini sa sisay man na may nawawarang miembro kan saindang familia, poon kan sarong aldaw.

Segun sa report, sarong lalaki an naheling na mayo nin buhay sa Sitio Dike, Brgy. Del Carmen sa banwaan na ini.

An nag nakaheling kan bangkay iyo si Ando delos Santos y Bercasio, na Presidente kan mga jovenes sa sinambit na lugar, na iyo man an nagpaisi sa mga awtoridad.

Nakua an bangkay kan lalaki sa oma na mayo nin nakakabisto sa saiya sa barangay.

Nagpaluwas na nin noticia an pulis digdi sa mga pagtaraid na mga banwaan para ibandillo an informasyon na ini. Yaon sa sarong funeraria an bangkay kan lalaki, pakatapos na gibohon kan Municipal Health Office an autopsy sa saiyang hawak.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...