CAFGU binadil sa Sorsogn kan NPA, gadan

LEGAZPI CITY – (BICOLSTANDARD) An mga miembros kan New People’s Army (NPA) an sinasahotan na nagbadil, gadan, ki Eduardo Embile, dating miembro kan Civilian Armed Forces Georgraphical Unit (CAFGU) kasuodma, sa pwerang barangay sa Bulusan, Sorsogon.

Sabi sa report na nakaabot sa pulis, si Embile, na taga Barangay Barbara, sa banwaan kan Bulusan naglalakaw papuli sa saindang harong kan siya badilon kan mga rebelde.

Hale sa baylehan an biktima kan siya hipaan kan mga NPA sa Sitio Taisan, Barangay San Vicente, sabi ni Sr. Insp. Maria Luisa Calubaquib, an spokesperson kan pulis sa Bicol.

Nagsapo nin mga lugad an biktima, an pinaka grabe iyo an tama nin bala sa saiyang payo, na iyo an saiyang ikinagadan.

An saiyang bangkay nakua sa guilid kan tinampo na naka dapla asin nagkakarigos sa saiyang sadireng dugo.

Mientrastanto, sabi kan pulis igwang iwinalat na surat sa irarom kan saiyang T-shirt, na hale sa Celso Minguez Command kan NPA

Naka firma sa surat an pangaran na Ka Samuel Guerero, CMC-BHB Sorsogon, sabi pa sa report.

Sa guilid kan saiyang bangkay nakua an duwang baseyo nin bala kan calibre .45ng badil.