Monday, May 21, 2018

70 anyos na gurang nalamos sa dagat



MERCEDES, CNorte –Sarong70 anyos na para sira na taga Purok 1, Barangay Tacad, Basud, Camarines Norte an nakuang mayo nang buhay, naglalataw-lataw sa dagat sa tungod kan Barangay San Roque, digdi.

Ini an naka-abot na report sa pulis nagsasabi na poco mas o menos alas 4:00 nin aga, (Mayo 19) kan naheling an bangkay kan biktima.

Sabi sa enot na report, an bangkay kan gurang naheling ni Lito Estrella y Villamor, na naglalataw sa dagat na saiyang na-agihan mantang naka sakay sa motor sa dagat.

Iginilid an bangkay sa baybayon asin siya nabisto kan saiyang mga partidaryo.

Nagsabi an mga paryentes kan gadan na naglawod an biktima tangani na maghanap nin sira naka sakay sa sadit na baroto, na nalubog man.

Idinampal sa parte kan Marcedes, Camarines Norte an bangkay kan biktima nin huli sa makusog na sulog kan dagat.

An gadan pig bibilaran ngonian sa funeraria asin hinahalat na sana an post mortem examination antes siyang ipalubong.
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...