Saturday, May 12, 2018

2 banwaan sa Masbate, mainit an ralaban



MASBATE CITY – Nagpahayag kasuodma an Regional Special Operations Task Group sa Masbate na makuri an ralaban kan mga politico digdi, orog na sa duwang banwaan na igwa nin mga minahan.

Segun ki P/Supt. Frande Echaluce, an parataram kan RSOTG digdi, mansay na maray an mainit na ralaban kan mga lokal na opisyal sa Aroroy asin San Fernando, an duwa sa mga banwaan na mayaman sa bulawan.

Base sa report, ngonian pa sanang election sa barangay, an mga darakulang politico na gustong magkandidato sa duwang banwaan an nagpoon nang magpakusog kan saindang fuerza, sa paagui kan pag suporta nin mga kandidato sa barangay, na iyo an pwede nindang makatabang sa 2019 election.

Nin huli kan siring na sitwasyon, nakabantay na entero an mga tawohan kan Commission on Elections (Comelec) asin an mga pulis, para maibitaran an pagkaigwa nin madugong comprontasyon.

Pig lalaoman kan mga awtoridad na magiging mainit an ralaban, kaya nagtaltag sinda nin dugang na fuerza na mamantinir kan seguridad kan mga tawo, nin huli kan pirilian.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...