Tuesday, May 22, 2018

100 anyos na lola, tinawan regalo kan Albay



LEGAZPI CITY (BICOL STANDARD) – Dakulang kaogmahan an namatean kan sarong 100 anyos na gurang kan siya regalohan nin kantidad P50,000.00 hale sa gobierno Provincial kan Albay.

Si Celestina Candano, nag-compleano kan Abril 6, 100 anyos na ngonian, nakarecive man nin kantidad P100,000.00 hale sa gobierno national.

Si Lola Celestina taga Estancia, Malinao, Albay na surprise kan maaraman na may itatao saiyang regalong cash hale sa Provincial Social Welfare and Development Office (PSWDO), kan siya paisihon kan staff kan Lokal na Gobierno kan Malinao, sabi sa bareta.

An premyong cash na kantidad P100,000.00 na hale sa gobierno national por medyo sa R.A. 10868, na inaapod na Centenarian Act of 2016. An ikinaogma pa kan lola iyo an dugang na P50,000, na hale sa gobierno Provincial.

Paka recibe niya kan regalo, napaabot man si lola Celestina nin pasalamat ki Gob. Al Francis Bichara huli sa pagromdom sa mga gurang.
Share:

Featured Post

FDA releases statement on unregistered lambanog

The FDA, through its inspectors at the Regional Field Offices (RFO) and agents of its Regulatory Enforcement Unit (REU), in coordinatio...