Wednesday, April 4, 2018

Protesta ni LRV vs. Rep. Bordado, nasa HRET na

LRV

NAGA CITY --Nagpoon na an recount asin revision kan mga boto hale sa tercer distrito kan Camarines Sur na ipig protesta ni dating Congressman Luis R. Villafuerte contra ki Cong. Gabby Bordado.

Sa intrevista ki LRV saiyang pig confirmar na an House of Representatives Electoral Tribunal (HRET) iyo an maconducir kan nasambit na recount.

Pinahayag kan dating deputado asin dating gobernador na magiging marikas asin madali an nasambit na recount nin huli ta dakul na mga revisors an tinugotan kan HRET na sarabay-sabat na magbilang liwat kan mga boto sa balota.

Nag aprobar an HRET sa protesta ni Villafuerte na dapat repasohon an mga balota kun nagkaigwa nin sala na pag basa kan mga boto sa balota, kaya tinawan nin bwelo an nasambit na revision.

Mayong informasyon an ipinaluwas kan kampo ni Bordado dapit sa nasambit na issue
Share:

Featured Post

Treasurer's Office kan Prieto Diaz, Sorsogon sinalakat; P755 k an cuartang nawara

SORSOGON - Sinalakat nin dai bistong tawo an Municipal Treasurer's Office (MTO) kan Prieto Diaz, Sorsogon, asin nahabon an kantidad...