Friday, April 13, 2018

PO1 Napoles, kandidata kan Bicol sa Gandang Pulis 2018


LEGAZPI CITY 4/13/18 (BICOL STANDARD) – Si PO1 Gersa Napoles, na miembro kan PNP Provincial Office sa Camarines Norte, an napili na mag representar kan PNP Region V, sa Gandang Pulis 2018.
Sabi ni P/Insp. Maria Luisa Calubaquib, an spokesperson kan PNP Regional Office No. 5 an Gandang Pulis, sarong programa kan PNP na mawot ipaheling an talento asin gayon kan mga babaeng miembro kan police force, asin para makatabang sa pagpalakop kan advocasiya na ipig tutulod kan organisasyon.
Siring sa dati, sentro kan programang ini an pagbalangibog kan kamawotan na matawan nin magkakanigong protection asin respeto an derehos humanos kan mga kababaehan asin mga aki. Idinagdag pa digdi an pagtao nin protection sa mga kababaehan na pig kukulgan sa laog kan saindang harong.
Naghagad nin tabang an PNP Bicol na suportaran an si PO1 Napoles, na iyo an official na kandidata kan Bicol sa programang ini.
Para makatao nin suporta ki PO1 Napoles, hinahagad an tabang kan gabos na Bicolano na makamtam niya an People’s Choice Award.
An kandidata na may pinakadakul na shares asin likes makakarecibe nin special award.
Gigibohon an Grand Coronation Night sa Abril 23, 2018.
Share:

Featured Post

DepEd assures teachers of bonuses, allowance hike

Department of Education Undersecretary Finance-Budget and Performance Monitoring Annalyn Sevilla (left) assures teachers of their bonuses...