P300,000 na shabu, dakop sa buy bust sa Naga City

Retrato hale sa PDEA Cam Sur

NAGA CITY 4/13/18 (Bicol Standard) -- An carculo kan Philippine Drug Enforcement Agency (PDEA) Camarines Sur, maabot sa kantidad P300,000.00 an valor kan shabu na nacompiscar ninda sa buy-bust operation kasubagong alas 4:32 nin hapon.

Base sa report, an team kan PDEA pinanginotan ni Agent Vidal DC Bacolod, katuwang an Naga City Police Office, asin iba pa, sa lindong kan supervision ni PDEA Acting Regional Director Christian O. Frivaldo.

Na-arrestar ninda si Jerry Cornel y Agunos asin Axl Jordan Chavez y Coral, sa Zone 4, Barangay Triangulo, sa buy-bust operation na ini.

Nakua sa poder kan mga suspechado an 2ng pidasong heat sealed plastic bag asin 1 pidaso nin plastic sachet na may laog nin puti na pulbus,na pig tutubodan na shabu na may gabat na poco mas o menos 50 gramos.

Narecover man kan mga tawohan kan PDEA an ginamit na buy bust money na ginamit sa operasyon.

An mga suspechado yaon ngonian sa poder kan PDEA Camarines Sur para sa magkakanigong disposisyon.