Monday, April 16, 2018

Negosyanteng Indian national sa Legazpi City, nabiktima kan akyat bahay


ni Vince Villar

LEGAZPI CITY (Bicol Standard) -- Kantidad P82,000 na mga gamit asin alahas an nalalay kan mga dae nabistong akyat bahay sa sarung negosyanteng Indian national sa siyudad nin Legazpi kan kasuudmang mag agahon, Domingo, Abril 15, 2018.

Sa report na ipinaapbot kan Legazpi City Police Station, binisto an biktima na si Raj Taranchand y Mirchamal, 50 anyos, may agom, Indian national na ngonyan saru nang naturalized Filipino citizen, may sadiri kan Bombay Silk Store, residente kan Sunrise Subdivision, Brgy. 40, Cruzada, Legazpi City.  

Sa pag iimbestigar kan pulisya, enot na binalo suboot kan mga mahabas na rauton an window grills kan harong kan biktima sa paagi kan tubo alagad dae nagtrayumpo.

Nakaswerteng makalaog an mga mahabas kan mawalat kan biktima na bukas palan an pintuan kan saindang kusina.
Kan makalaog, kinua an  sarung unit kan fuschia Asus laptop na nagkakantidad P25,000.00, sarung unit nin "Apple" iPod na kantidad P25,000.00, sarung unit nin  gold/platinum Samsung 7S cellular phone na kantidad P25,000.00 na nakapatong sana sa ibabaw kan saindang dining table asin P7,000.00 na cash na yaon sa shoulder bag na winalat sa saindang living room. 

Padagos pa ngonyan an imbestigasyon kan pulisya ngani maaraman kun sisay an mga responsable sa insidente.
Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...