Thursday, April 12, 2018

Nagtagaan sa Vinzons, CNorte, saro irido



VINZONS, CNorte – Maray ngani na bakong mortal an lugad sa takyag ni Alenn Trapalgar y Roxas, 43 anyos, pintor, kan siya tagaon ni Lorena Umerez y de Panes, 40 anyos na paraoma, na pareyo residentes kan Barangay Aguit-it, digdi.

Sabi kan mga imbestigador, mainit an diskusyon kan suspechado asin victima, nin huli sa haloy nang dai problema, na nagtundag sa pagtaga kan victima sa saiyang takyag.

Idinagdag kan mga imbestigador na duwang beses na tinaga si Trapalgar kan mangurol na sundang na gamit kan suspechado, kaya bakong hararom si mga lugad sa braso.

Pakatapos kan incidente, idinalagan sa  Labo District Hospital an victima.

An suspechado, sa ibong na lado, inarestar kan tanod sa barangay asin dinara sa hepatura kan pulis, tanganing imbistigaran.

Pwedeng sangatan nin magkakanigong caso an suspechado na pig iimbistigaran kan pulis.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...