Friday, April 13, 2018

Nag-iwal saka an misis, agom na lalaki naghugot


LEGAZPI CITY 4/13/10 (BICOL STANDARD) – Pinili kan lalaki na tapuson an saiyang buhay sa paagui kan pag bitay kan saiyang sadire sa laog kan saindang harong.
An pulis na nag-imbestigar kan incidente nagsabi na nakuang mayo na nin hinangos si Charles Manuel, 47 anyos, kan mag-abot an saindang grupo, sa Barangay Abas, Pilar, Sorsogon.
Ipinahayag kan imbestigador kan Municipal Police sa Pilar na an nakadiscubre kan bangkay kan victima iyo an saiyang agom na si Vilma, na iyo man an nag report sa pulis.
Pig dara man guiraray sa hospital si Manuel, pero ipig declarar nang mayo na nin buhay.
Mientrastanto, sa pag usisa kan mga awtoridad, nagluluwas na nagkaigwa nin hararom na dai pagka-intindihan an mag agom na sinda Charles asin Vilma, na nagresulta sa malanit na ribayan nin mga maharang na taramon.
Dai na nagka-ulian an boot kan duwa, kaya, pwedeng ini an rason kun nata tinapos na kan lalaki an saiyang buhay, por medio nin pagpatiwakal.
Sabi pa kan imbestigador, mayo sindang naheling na senyal na may ibang tawong naglaog sa saindang residencia, na pwedeng masahotan na tinuyo an pag-gadan.
Ipina autopsy man guiraray an bangkay ni Charles para sa masegurong mayong nangyaring bako siyang victima nin krimen.
Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...