Wednesday, April 18, 2018

Mga OFWS sa Legazpi City, mareresibe na an Mayon assistance sa masunod na semana – OWWA Bicol


ni Vince Villar

Legazpi City - Puon sa Lunes, Abril 23, sagkod Miyerkules, Abril 25, pwede ng makua kan mga OFW sa Legazpi City, active man o inactive, an saindang mga asistensiya hali sa OWWA Bicol dara kan pag alburuto kan bulkang mayon.

Sa intrivista kan zoom radio news kay ms Rowena Alzaga, an communication officer kan OWWA, gigibuhon an distribusyon sa Albay Astrodome puon alas 8:00 nin aga sagkod alas 5:00 nin hapon.

Sa Legazpi City, may sobra singko mil na ofw an mabebenipisyaran kan tabang na ini kan Owwa.

Segun kay Alzaga, 3,000 an mareresibi kan mga aktibo mantang 1,500 man an bako aktibo.

Tinawang doon kan opisyal na su mga dating natawan nin priority numbers an dapat enot na magduman sa Monday mantang sa presente padagos pang nanao an saindang opisina.

Nakihuron si Alzaga sa ibang ifw sa ibang lugar na dae na muna magpasiring sa nasambit na petsa dahil para sa mga taga legazpi muna ini.

An ibang mga dae pa natatawan an iiskedyul na sana.

Sa kabilugan, sobra 23,000 na inactive asin active OFWs an nasa listahan kan OWWA na tatawan nin asistensiya gikan sa 6 munisipyo asin 3 siyudad na naapektaran kan pagtuga kan bulkan.

Sa bilang na ini, sobra 10,000 na an natawan.

Naghagad dispensa si Alzaga sa delay kan pag release sa Legazpi dahil talagang pina octava an dating schedule sa ICR dahil ta naging masamok suboot su mga tawo.

Ngonyan, sisikapon suboot ninda na mapakaray an distribusyon.

Nilinaw ni Alzaga na sa kada Aldaw abuton sa haros 500 sana an pwede ninda masirbihan kun kaya posibleng maging atrasado liwat an distribusyon.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...