Wednesday, April 18, 2018

High Value target sa Drugs, pinosasan sa Sorsogon



SORSOGON CITY 4/18/18 (BICOL STANDARD) Nahulog man guiraray sa kamot kan mga pulis an lider kan grupo na nagtitinda nin droga digdi, por medyo kan ginibong buy-bust operation.

Magkatuwang an mga miembros kan Philippine National Police (PNP) asin an Philippine Drug Enforcement Agency (PDEA) sa Sorsogon, rinamalan tulos an 34 anyos na si Robert Tapalla Galing a.k.a Galing, na iyo an ipig tutukdo na lider kan Galing Drug Group na haloy nang nag ooperar digdi.

Si Galing residente kan Barangay Polvorista, sa Ciudad na ini.

An mga miembros kan PDEA asin pulis sa Sorsogon nagsabi na si Galing kabale sa listahan kan PNP na consideradong High Value Target (HVT) na imbuelto sa pagbariwas nin droga.

Sa nasambit na operasyon, an mga awtoridad nakakua nin 13ng pidaso nin sachet na pig tutubodan na shabu, duwang cellphone, sarong calibre 45 (pellet gund) na may cargang magazine asin an motorsiklo na ginagamit kan suspect.

Afuera kan ipig titinda kaining sarong sachet nin shabu sa poseur buyer, narecover man an kantidad P500.00 na cuarta, na ginamit bilang buy bust money.

Pig hahanda na an pag plantear nin mga caso contra ki Galing sa pagbalga kan Comprehensive Dangerous Drugs Act of 2012 asin Republic Act No.10591, o an Omnibus Election Code, nin huli sa badil na nakua hale sa suspechado.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...