Friday, April 20, 2018

Gustong mag kapitan, ginadan sa Paracale, CNorte



DAET, Camarines Norte (Bicol Standard) – Nagkapirang anggulo an pig aadalan kan pulis sa pag badil ki Jezaril Mirandilla, 57, barangay kagawad kan Tugos, Paracale, Camarines Norte na ginadan kan dai nabistong mga tawo na nakalundad sa motorsiklo.

Sabi sa report, si Mirandilla, aspirante sa cargong Punong Barangay kan saindang lugar sa maabot na election sa Mayo 14.

Si P/Sr.Insp. Angelan Gulapan, hefe kan pulis sa Paracale nagpahayag na hararom an ginigibo nindang pag-siyasat kan krimen, mantang pwedeng may koneksyon na ini sa nagdadangadang na eleksyon, o pwedeng mayo man.

An sabi pa sa report, determinado an mga criminal na todason talaga an biktima, mantang an tinarget iyo mismo an saiyang payo, na mayo lamang nin buhayan.

May sinasabi pa sa report, na an biktima nag-estorya sa saiyang aki na igwa siya nin narecibeng huma sa buhay hale sa dai bistong tawo.

Afuera kan issue sa politica, an mga awtoridad nagtitipon pa nin ibang prueba tanganing maaraman an mga para gadan.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...