Wednesday, April 18, 2018

DENR Bicol, nagpatanid laban sa pagpako nin mga campaign material sa mga kakahuyan


ni Vince Villar

Legazpi City (Bicol Standard) - Higot an patanid ngonyan kan DENR Bicol sa mga makandidato sa Baranggay asin SK election na ibitaran an pagpako kan mga tarpaulins o ano pa man na campaign materials sa mga kahoy partikular sa gilid kan tinampo.

Segun kay Regional Executive Director Oscar C. Dominguez , may kakahampangon na penalidad na multa o pagkakakulong ang sisay man na mapapatunayang mag balgar.

Tinawan doon kan opisyal na nakakaraot nin puon nin kahoy an pagpako digdi.

Nin huli kaya sa lugad na sinapar kan kahoy, piglalaog ini kan mikrobyo sagkod na malapa na pwedeng magresulta sa pagkagadan kaini.

Nakihuron man an Director sa mga namamanwaan na i-osep sa sainda, sa COMELEC o iba pang law enforcement agencies an manunutarang nagbabayular.

Pwede man suboot na videohan o kuanan nin ladawan an mga may gibo kaini.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...