Friday, April 13, 2018

Dating CAFGU binira kan NPA sa Pasacao


NAGA CITY - 4/13/18 (BICOL STANDARD) – Lagarto an tama nin mga bala sa lawas ni Armando Paloma, dating miembro kan CAFGU, na binadil kasubagong aga, (Abril 13, Viernes), sa bukid na parte kan Barangay Balogo, Pasacao, Camarines Sur.
Segun sa despacho kan pulis, nangyari an incidenteng ini poco mas o menos alas 6:00 nin aga.
Nakaabot sa atensyon kan mga awtoridad an pangyayari sa paagui nin mensahe sa text, alas 8:20 na nin aga, kasubago.
An krimen isinasahot sa mga miembros kan rebeldeng New People’s Army (NPA) na aktibong nag ooperar sa nasambit na lugar.
Idinagdag sa report na an pulis asin mga miembros kan Philippine Army an nagpadara nin grupo sa pinangyarihan kan krimen tangani na mag imbestigar.
Mayo pa nin malinaw na motibo o rason kun tano ta ginadan si Paloma.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...