Thursday, April 12, 2018

Comelec, may paguiromdom sa mga makandidato



LEGAZPI CITY – Mayo nin sisay man na interesadong magkandidato sa Barangay asin SK elections an sasayumahan kan Commission on Elections (Comelec), bastang sinda qualificado susog sa Election Code.

Ini an pahayag ni Atty. Annie Fortes, an Provincial Election Supervisor kan Albay, sa intrevista saiya kan mga miembros kan media.

Pig linaw kan nasambit na official na bakong kaolangan sa pag file nin Certificate of Candidacy (COC) kun an sarong makandidato napangaranan na imbuelto sa controversiya, kabale na an mga nasa listahan kan mga imbuelto sa ipig papangalad na bulong.

“An pinaka importante sa mga kandidato na sinda qualificado sa pwesto na saindang kakandidatohan. An pig babasehan kaini iyo an Codigo Electoral asin an ley sa election,” sabi pa niya.

“Kun mag dugang nin mga papel na nagbabandilyo kan saiyang kakayahan sa pag pugol kan pwesto na saiyang pig aapiraran, o na siya may matanos na record asin maray na plano, dugang na sana ini,” sabi pa.

Pinaguiromdom kan Commission on Elections na may malinaw na guidelines an saindang officina kan mga dapat complehon, na magkakanigo na reparohon kan makandidato.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...