Wednesday, April 18, 2018

Cash grants sa 4Ps maabot sa Abril 24



LEGAZPI CITY 4/18/18 (BICOLSTANDARD) – Nagpaliwanag si Department of Social Welfare and Development (DSWD) Region V Regional Director Arnel B. Garcia na sa Abril 24, 2018, mapoon sinda kan pagtao kan Cash Assistance sa 260,000 na mga miembros kan 4Ps.

Kabale digdi an para sa mga miembros kan Indigenous Peoples sa lindong kan Modified Conditional Cash Transfer Program (MCCT) asin mga mayo nin LBP cash cards na nakaka recibe man nin grant sa paagui kan over the counter pay out.

An dating schedule sa pagtao kan sinambit na beneficio kan Abril 17, 2018.

Alagad, sabi kan DSWD Bicol, an Land Bank of the Philippines naghagad nin 7ng aldaw na extension para mai-download ninda an fundo sa mga partner conduits na iyo an may obligasyon sa directing pag release kan cash frants, kaya naabala.

Naghagad nin pag-intiende si Garcia sa mga beneficiary, pero pig asigurar liwat niya na securadong marerecibe ninda an tabang na cash.

Siring man, pig seguro ni Director Garcia sa gabos na beneficiaryo na na makakaabot sa sainda an assistencia para sa bulan na Enero, ngonian na taon.

Kabale sa mga beneficio iyo an educational grants, health assistance, rice subsidy, asin an assistencia para sa Unconditional Cash Transfer Program (UCT) para sa bilog na taon.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...