Monday, April 30, 2018

4 na personas nabutod sa Bicol River



LIBMANAN, CSur—Apat (4) na personas an nagadan sa aksidente na nangyari sa Barangay Sigamot sa banwaan na ini por medyo kan pagkalamos sa salog kan Bicol.

Nagpahayag si P/Supt. Errol Garchitorena, an hefe kan pulis digdi na an mga victima nagpasiring sa Bicol River sa Barangay Sigamot tangani na mag laba.

Kabale digdi iyo si Arnel Sibuc, 40 asin an saiyang agom para maglaba.

Kaibahan ninda iyo an saindang mga akin a sinda Dyne, 14 anyos, Aljon, 10 anyos asin an sobrena nindang si Danica Flores, 7 anyos an edad.

Mientras na sibot sa paglaba an mag-agom, an mga menor de edad na kaiba ninda nagkararigos man sa salog.

Dai pa ngani minahilis an pirang minutos sarong makusog na boses an nadangog na naghahagad nin tabang, ta an mga aki inatong kan makusog na sulog.

Maski an ama na si Subic na nag-agap man kuta sa incidente, an inatong pa kan makusog na sulog kan tibig, asin binawian nin buhay.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...