Monday, April 2, 2018

4 gadan, 1 salbado sa pagkalamos sa bilog na pag-obserbar kan Semana Santa sa Bicol


Ni: Vince Villar

Legazpi City (Bicol Standard) – Tulo an nagadan, mantang saro an naksalbar huli sa pagkalamos sa mga pigkakarigusang resort sa pag obserbar kan Semana Santa sa manlaen laen na parte kan Kabikolan.

Sa report na naka abot sa Police Regional Office 5, Camp General Simeon Ola sa Legazpi City, enot na nairehistrong nagadan si Jayhard SJ. Dela Rosa, 18 anyos, estudyante, taga Brgy. Napo, Pandan, Catanduanes.

Nalamos ini mantang nagkakrigos kaiba an barkada sa Twin Rock Beach Resort kan Lunes Santo, Marso 26, 2018.

Kan Dominggo nin pagkabuhay, alas 6:00 nin aga, kan malamos an 12 anyos na si Ashley Atanacio y Beatriz, residente kan Brgy. Tacbong, Pili, Camarines Sur, mantang nagkakarigos ini sa Tikling Island, Matnog, Sorsogon.

Inanod suboot ini kan hukol pairarom asin nakua, gadan na.

Alas 7:00 nin aga, kan magadan man an 27 anyos na si Samuel Garcia y Callora, mantang nagkakarigos sa kadagatang sakop kan Brgy. Manga, Sipocot, Camarines Sur.

Sa banwaan kan Tinambac, Camarines Sur, sarong Oscar Vargas, Jr. 25 anyos an nalamos gadan man sa lugar.

Sa Sto Domingo, Albay, swerteng nakasalbar an sarung 6 anyos na dae na pinangaranang aki, matapos na masapod asin marevived kan mga BFP-LGU-Kabalikat rescuers,

Nangyari an insidente bandang alas onse nan in udto.

Antes an semana santa, higot na an patanid kan PNP sa publiko particular sa mga magurang na bantayan an mga aki, asin mga resorts na dapat magbugtak lifeguards, huli ta pirmihan na may nairerehistrong siring kaining insidente taon taon.

Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...