Tuesday, April 3, 2018

2ng lalaki makuryente nin sira, tawo an nakuryente


LEGAZPI CITY – Sarong lalaki an nagadan kan maka doot an saiyang lawas sa linya nin kuryente na ginamit nin duwang lalaki sa pagdakop nin sira sa sapa kan Barangay Rawis, digdi kasuodma.

Sabi kan mga imbestigador, si Bernard Lozares y Torrecampo asin Jovan Abordo y Bando, nagladlad nin wire na may kuryente pasiring sa cale, para gamiton sa pag dakop nin sira.

Kan nasambit na panahon, si Raymark Romero y Bibon nagtatrabaho sa pag rip-rap, kan lugar.

Dai aram si Romero na may live wire na ibinugtak sinda Lozares asin Abordo, kaya aksidenteng nakadoot an saiyang lawas sa wire na may kuryente.

Nin huli kaini bigla sanang nag-kamagkamag an biktima ta nakuryente.

Idinalagan pa man kuta si Romero sa hospital para ipabulong.

Alagad, ipig declarar na kan doctor na mayo na siya nin buhay.

Pig gigibo pa ngonian kan pulis an imbestigasyon asin pighahalat kun masangat nin caso contra sa mga responsable sa pagkagadan kan biktima.

Pig aadalan kun pwedeng casohan nin criminal negligence sinda Lozares asin Abordo nin huli sa nangyari.

Nangyari an incidente kasuodmang poco mas o menos alas 9:30 nin aga.

Mayo pa nin deklarasyon an miembros kan familya kan biktima kun ano an saindang plano dapit sa nangyari.


An mga suspechado pareyong nag eestar sa Barangay Rawis, digdi.



Share:

Featured Post

DepEd to conduct National Child Protection Summit 2018

The Department of Education (DepEd), in partnership with the United Nations Children’s Fund (UNICEF) Philippines and Child Protection Net...