Monday, April 2, 2018

10 gadan sa shooting incidents sa Masbate kan Marso


Legazpi City (Bicol Standard) – Padagos an mga nairerehistrong daeng untok na baradilan sa Masbate.

Sa Record kan Police Regional Office 5, sa bulan kan Marso, 10 na an nagadan, mantang 3 an mg anagkarulugadan  sa 11 insidente nin baradilan kan Bulan nin Marso.

Nangyari an mga ini sa mga banwaan kan Cawayan, Claveria, Mandaon, Milagros, Pio v. Corpuz, asin Uson.

8 digdi an murder, 1 homicide asin 2 physical injuries asin sa kabilugan, 13 an naging biktima sa mga insidenteng ini.

Base sa report, nasa 16 an suspects, mantang katorse kaini an padagos na pinaghahanap hasta sa ngunyan, mantang 2 pa sana an naarestar.

9 an kasong nai-turn over sa prosecutor’s office, mantang 2 an padagos na pinag-iimbestigaran hasta sa ngunyan.

Mientrastanto, ngonyan na Abril, 7 na tulos an kaso nin baradilan sa nasabing probinsiya, kun saen, 5 digdi an gadan, mantang 1 an lugadan asin 1 man an daing tama.

Base sa record, 5 an lalaking biktima mantang 2 babae man an naging biktima.

5 an suspek na padagos pang pinaghahanap hasta sa ngunyan mantang 2 man sa suspek an naarestar.

Share:

Featured Post

DepEd to conduct National Child Protection Summit 2018

The Department of Education (DepEd), in partnership with the United Nations Children’s Fund (UNICEF) Philippines and Child Protection Net...