Friday, March 30, 2018

Mega shabu lab suspect, sa Virac, nagsuko sa NBI -NCR


LEGAZPI CITY 3/28/18 (BICOLSTANDARD)- Sinabi kan Nationl Bureau of Investigation (NBI) na nagsuko sa saindang oficina si Atty. Augusto Eric Isidoro, an dating regional director kan NBI na nakasabit sa caso kan mega shabu laboratory na nadiscubre sa Palta Small, Virac, Catanduantes, kan 2016.

Si Atty. Isidoro, naging acting regional director kan NBI-Central Mindanao Regional Office.

Sa enot na mga report kan pulis, si Isidoro iyo an ipig tutukdo na kagsadire kan daga na binugtakan kan mega-shabu laboratory sa Virac.

Base sa pinaluwas na informasyon ngonian na aldaw, (Marso 28, Mierkoles) ni Atty. Ferdinand Lavin, si Isidoro nagsurrender sa NBI - Capital Region (NBI-NCR) kan Marso 20 pa.

Yaon ngonian sa poder kan Security Management Division (NBI-Jail) mantang pig hahalat an commitment order hale sa jusgado sa Virac, Catanduanes.

Nagluluwas sa imbestigasyon na an mega-shabu laboratory na nasa propiodad kan suspechado may naka bugtak nin anom (6) na hydrogenerators, na pwedeng maka gibo nin 9.6ng tonelada nin shabu an kada bulan.

Share:

Featured Post

Treasurer's Office kan Prieto Diaz, Sorsogon sinalakat; P755 k an cuartang nawara

SORSOGON - Sinalakat nin dai bistong tawo an Municipal Treasurer's Office (MTO) kan Prieto Diaz, Sorsogon, asin nahabon an kantidad...