Monday, March 12, 2018

Lolo, nakuang gadan sa motel sa Naga City


NAGA CITY - Pig-aaram pa kan mga autoridad kun may foul play na nangyari sa nakuang gadan na 74 anyos na lolo sa laog kan sarong lodging house sa barangay Tabuco sa ciudad na ini.

Sa entrevista sa caretaker kan lodging house, sinabi kaini na nagcheck-in an gurang kaibanan an sarong babae poco mas o menos alas 5 nin hapon.

Alagad, kan magluwas an babae, solo na sana ini asin dai kaibanan an lolo.

Nin huli kaini, nagdesisyon an caretaker na dumanan sa kwarto an lalaki.

Duman nadiscubre an nakahubang hawak kan lalaki, na dai na nagreresponde.

Sinabi kan caretaker na bako ini an enot na beses na nagcheck-in an duwa sa nasambit na lodging house.

Maroromdoman na kan nakaaging taon, ibinareta an nakuang lolo sa ibang lodging house na nakuang gadan nin huli ta nasobrahan sa pigtomar na sex drive enhancer. An nasambit na insidente nangyari sa pareyong barangay.

Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...