Wednesday, March 28, 2018

LGU Bula employee, dakop sa buy bust



NAGA CITY 3/28/18( BICOLSTANDARD) – Nahulog man guiraray sa kamot kan mga tawohan kan Philippine Drug Enforcement Agency (PDEA) sa Camarines Sur an pigtutubodan na saro sa mga pusikit na para bariwan nin shabu digdi asin sa mga pagtaraid na banwaan.

Segun sa PDEA Camarines Sur na pinapamayohan  ni Agent Vidal DC Bacolod, sa lindong kan supervision ni Dir. Christiano Frivaldo, Acting Regional Director kan PDEA RO5, nadakop kan ninda si Sylvia B. Valera alyas Ebyang, sa buy bust operation.

Nangyari an operasyon poco mas o menos alas 10:00 nin bangui, kan Marso 27, 2018 sa atubangan kan San Agustin Elementary School, sa Barangay San Agustin, Canaman, Camarines Sur.

Si “Ebyang” Valera, empleado kan LGU Bula, Camarines Sur.

Nakua sa saiyang poder an sarong plastic bag na may laog nin 4 na pidaso nin heat-sealed transparent plastic sachet na may laog nin maputing pulbos na pig tutubodan na shabu.

An shabu may gabat na 20 gramos asin carculadong may valor na P152,000.000, sa barakalan sa lugar.

Afuera kan shabu, narecover sa poder ni Valera an sarong brown paper bag na may laog kan buy-bust money, na ginamit kan PDEA sa saindang operasyon.

Yaon ngonian an suspechado sa poder kan PDEA Camarines Sur Provincial Office, mantang pig hahanda an caso na isasangat contra saiya.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...