Wednesday, March 21, 2018

Lalaki, pinukpok nin badil matapos maubusan bala an parabadil


ni Vince Villar

Swerteng pukpok sana nin badil an sinapo kan sarung lalaki sa Polangui, Albay matapos maubusan nin bala an nagparapambadil sa saiya kasuudmang udto, Marso 20, 2018 sa barangay Magurang, kan nasabing banwaan.

Sa report kan Polangui Municipal Polce Station, binisto an biktima na si Jojo Samonte y gianan, 36 anyos, soltero, driver, residente kan San Vicente, Bato, Camarines Sur.

Sa report kan sarung concerned citizen, alas 12:25 nin udto, mantang an biktima nagmamaneho nin motorsiklo, bigla ining binukod kan saru pang motorsiklo sakay an 3 na mga dae namidbid na suspek asin saru sa mga ini an pinutukan siya alagad dae tinamaan.

Pag abot sa kurbadang porsyon kan tinampo sa Brgy. Magurang, nadihalnas sa tinampo an motor kan biktima asin kan ini buminuhat pinutukan liwat ini alagd dae na naman tinamaan.

Pakatapos kaini, duminulag na an biktima pasiring sa mga tanuman nin batag asin duman na siya pina uranan nin sunod sunod na putok kan suspek alagad dae pa man liwat tinamaan.

Kan maabutan an biktima, ubos na palan an bala kan suspek, kun kaya, pinukpok n asana ini ni badil sabay kinua an saiyang driver’s license.

Sinasabi na an buminadil sa biktima naka jacket nin itom, naka kalo, naka pulang sando asin halaba na kulot an buhok.

Sa presente, padagos pa ang hot pursuit operation kan PNP ngani mabisto an mga suspetsado.
Share:

Featured Post

Treasurer's Office kan Prieto Diaz, Sorsogon sinalakat; P755 k an cuartang nawara

SORSOGON - Sinalakat nin dai bistong tawo an Municipal Treasurer's Office (MTO) kan Prieto Diaz, Sorsogon, asin nahabon an kantidad...