Tuesday, March 27, 2018

Estudyante, nalamos sa sarong beach sa Catanduanes


ni Vince Villar

Gadan an sarung highschool student matapos malamos mantang nagkakarigos sa sarung bistadong resort sa Virac, Catanduanes kasuudmang Lunes, Marso 26, 2018

Sa report kan Virac Municipal Police Station, binisto an biktima na si Jayhard SJ. Dela Rosa, 17-anyos, estudyante kan Pandan School of Arts and Trades o PSAT, asin residente kan Brgy. Napo, Pandan, Catanduanes.

Base sa ginibong imbestigasyon, nagkarigos suboot an biktima kaiba an mga barkadang sinda Rioven DR. Trinidad asin Whelming Escaro Jr. sa diving spot o hararom na parte kan Twin Rock Beach Resort, sa Brgy. Igang, kan nasabing banwaan kan bigla ining anudon nin makusog na sulog kan dagat sa irarom.

Napag araman na dae man palan tatao maglangoy an biktima kun kaya marikas ining nalunod.

Binalo pa man kuta na isalbar ini kan mga pag iriba, alagad, huri na.

Dinara pa man kuta ini sa Eastern Bicol Medical Center o EBMC alagad dineklara ining dead on arrival (DOA).
Share:

Featured Post

Treasurer's Office kan Prieto Diaz, Sorsogon sinalakat; P755 k an cuartang nawara

SORSOGON - Sinalakat nin dai bistong tawo an Municipal Treasurer's Office (MTO) kan Prieto Diaz, Sorsogon, asin nahabon an kantidad...