Sunday, March 25, 2018

DSWD Bicol nag release nin P276 M para sa 4Ps



LEGAZPI CITY 3/25/18 (BICOLSTANDARD) An officina kan DSWD sa Bicol an nag release kan kantidad P276 Milyones para sa primerong batch kan 115,356 na Pantawid Pamilyang Pilipino Program (4Ps) beneficiaries sa Bicol para sa Unconditional Cash Transfer Program (UTC).

Sinabi ni Arnel Garcia, an regional director kan DSWD sa Bicol, na an mga 4Ps beneficiaries na may landbank cash cards an primerong marecibe kan UCT assistance na an kantidad P2,400.00 an kada bulan sa bilog na 2018.

Mientrastanto, ginigibo ngonian an validation kan Listahanan. Pig lalaoman na matatapos ini sa laog nin tulong bulan asin an final na listahan kan mga benefisyaryo na target ninda matatapos sa bulan na Mayo.

An distribusyon kan UCT assistance para sa Listahanan pig lalaoman na mangyayari sa Junio 2018.

An UCT component kan Tax Reform for Acceleration and Inclusion (Train) program kan gobierno national.

An obheto kaini, matabangan an mga tios na familya na affectado kan pag langkaw kan presyo kan mga barakalon nin huli kan implementasyon kan bagong tax reform program.

An Listahanan iyo an national household targeting system.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...