Wednesday, March 21, 2018

Drug surrenderer na imbuelto sa extortion, binadil gadan sa Libon


ni Vince Villar

Libon, Albay (Bicol Standard) – Gadan an sarung Muslim na sinasabing dati nang nagsuko huli sa droga asin naimbwelto man sa mga extortion activities matapos na pagbabadilon kan mga dae namidbid na suspetsado kasuodma, Marso 21, sa banwaang ini.

Sa report kan Libon MPS, binisto an biktima na si Amir Ampoan y Sallao, 32 anyos, may agom, taga Brgy. Magallang, Libon, Albay.

Nangyari an insidente bandang alas 7:50 nin aga, mantang naglalakaw an biktima pasiring sa saiyang nakaparadang motorsiklo sa atubangan kan harong kan sarung nagngangarang Edmund Macauyam sa Purok 1 kan nasabing barangay.

Matapos pagbabadilon, nakadalagan pa man suboot nin pirang metros an biktima antes na padagos ining natumba hasta bawian nin buhay.

Napag araman na imbwelto sa iligal na droga asin extortion activities an biktima asin base sa record, drug surrenderer ini kan November 26, 2016.

Matapos maproseso kan Scene of the Crime Operatives an bangkay kan biktima, tulos ining kinua kan mga pag iribang Muslim na hali sa Naga City ngani na ipalubong.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...