Tuesday, March 13, 2018

Detachment kan CAFGU sa Lupi, sinurongan kan NPA


LUPI, CSUR (Bicol Standard) –Nairido an duwang miembros kan Civilian Armed Forces Geographical Units (CAFGU) na nakadistino sa Barangay Casay digdi kan surungan sinda kan mga miembros kan New People’s Army (NPA).

Sinabi sa report ni Col. Paul Regencia, spokesperson kan 9th Infantry Division kan Philippine Army na linaog kan mga rebelde an territory kan mga CAFGU sa nasambit na barangay, na haloy nang pig coconsiderar na controlado kan mga tawohan kan gobierno.

Pig confirmar kan Army na nakipagbadilan man an mga CAFGU na naglawig nin pirang minutos, kaya nag atras an mga NPA.

Nagsabi ni Regencia na an duwang miembros kan CAFGU nagsapo nin mga menor man sanang lugad sa saindang lawas.

An pangaran kan mga victima iyo sinda CAA Ramos asin CAA Dele Pena.

Pareyo sindang pigbubulong ngonian.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...